Q: Zaeem Tubbs mifaharu riyaasee inthihaabah kurimathi lumuge vaguth faaith vegen dhiya iruves kurimathi nulee keeve? 
September 2008
Zaeem tubbs ge verikamegai, emanikufaanah kurimathi kuruvey suvaaluthakuge therein jawaabu nudhevey nuvatha jawaabu dheyn beynun nuvaa suvaaluthakah "simply not true" mijawaabun jawaabu dhee ninmaalaanan
Graydu 1 ge dharivarunnah maguchaat kurahaa kulajassan dhaskoh dheynan.
Hurihaa barahanaa maalam thah bandhukoh nahama gothgai furusiaana boa meehunge listeh haama kuraanan. Vote 4 zaeem tubbs
Aa usminthakakah dhivehi firihenun gengos dhinumattaka dhivehi firihenbeys hiley foarukoh dheynan. Vote 4 zaeem tubbs
Raees kamuge huvaa kuraa iru alhugandu hunnanee hama ekani medhufaigaa istaakeen eh laigen.Trust zaeem tubbs.vote 4 weapon free zaeem tubbs.
Aharenge kaamiyaabge sirrakee Raalhaa elhumaai Dhivehibas! Vote 4 Zaeem Tubbs
Maumoon alhaadheyn buni buriju dashugai, kan'du adeegai thashimushi jahaa dheynan. Vote 4 Zaeem Tubbs!
الرئيس الحالى لشيء جيد... لا يصوتوا لصالحه
The incumbent President is good for nothing... Don't Vote For Him! Zaeem Tubb
عذرا ، لقد نسيت ان اؤكد انه ديكتاتور.. جميع أكثر ما يدعو إلى التخلص منه قبالة
Sorry, I forgot to emphasise that he is a dictator.. all the more reason to get rid off him
Zaeem Tub
الرئيس الحالى لشيء جيد... لا يصوتوا لصالحه
The incumbent President is good for nothing... Don't Vote For Him!
Zaeem Tub
Tourism industry gai ulhey meehunnah gaanoon asaaseege dhashun evves himaayatheh, haggeh libifai nuvaa hidhu dhen e meehun vaanee kon gaumehge bayakah? A. Italy B. Aneh dhivehirajje C. Japan
Gaanooneh, himaayatheh, haggeh neiy bayakah adhi ebaehge aailaa akah 2008ge riyaasee inthihaabah vote lumuge haggeh neiy. Aharenge vote, aailaage vote beykaaru nukoh fahah rakkaakuramaa thoa? Save tourism industry and then the TURTLES!
Gina adhadheh ge bangaalheen rajjey gai ulheythee e meehunge haggu thah rakkakurumuge gothun zaeem tubbs running mate akah bangaalhee aku hama jessun kihineh vaane ba?
Umurun dhuvas vumuge sababun thiriah faiba saamaanbon'deegai kamaru banumakee konkahala kameh? A. An'bimeehaage haggakah araigathun. B. Medhu fai hama bimah thirivathee aa usminakah genaun. C. Amilla 3 baaraa kulhelun
Alhugan'duge verikameh gai road map kurahaa kula jassan graydu 1 ge darivarunnah dhaskoh dheynan. Zaeem Tubbs
Zaeemge boahiyavathi kamuge siyasath hama bimah thirivaan fashaifi. Aa usminthakakah bamboo fihaara
Buriju elhumaai kan'du adeegai thashimushi jehun...gaumuge siyasee hamajehun!
August 2008
Aa usmin thakakah javvah fazaa yah havayah vazan aran beynun nethiya drp zaeem ah vote nula
Alhuga'ndu 99% hoveyne kamuge yageen kan otheema mifaharu riyasee inthihaabah kamaru ban'dhegen kempeyn nukuranan. Adhi DMP ge manifesto varah avahah update kurane vaaka bune ekan nukoh otheema dhogu hadhaa meehuge listuga alhugan'dhuge nan himana gothah zaeemy garaarakun faaskoffeemeve. Zaeem Tubbs
June 2008
Dhen othee Riyaasy Cup 2008 India balikurihen DRP ge zaeem balikuran jeheyne! Mifaharu mee aharenge faharau. Zaeem Tubbs
CREATIVE CHAOS!!! Zaeem Tubbs now attending a special night class to learn to practice creative chaos in paradise.' "Arabinge ugunfeshigen bodutharutheebuge dhivehi tharujama eh libendhen ugenemaathoa"
Campaign Zaeem tubbs campaign kurumuge maa bodu beynumeh netheve. Sababakee miharuves 99% hovifa hurikan yageen vaathee eve. Nama ves campaign a kee dhuniyege ehen gaumuthakugai ves kuraa kamakah vaathee zuvanunge duvas,anhenunge dhuvas adhi international orange juice day mifadha nan namugai rajje there ah gos dhaulathuge faisaa nahama gothugai beynun koggen campaign kuraane eve.
March 2007
Masverin baana maskirun "THIYE HURE JAHAA MALHIFATHITHAKAH KIYAMANVE BO NUMAHAANAMEY DHIYA AS FURAANA MIFASGAN'DHAH BEYNI MASKOLHU KIRAANAME" mi lhen baith kiumah fahu masverinnah zaeem Tubbs ge konme idhaaree dhaairaa akah maskirumuge baaru bigenve eve.
Falhu funkukurun Rajjeyge evves rasheh ge falhu fun kureveynee fares Mathoda gai gaimu kurevifa hunna falhufunkurumuge thahuleelu kuraa ministry of falhufun, udu us, bin thiri, ma billahi atha huvai karuna gas and our beloved ninja turtles ge hudhdha libigeneve.
DMP ge zaeem ufan v iruves 3 baaru ekkoh othumuge sababun 3 baaru vakikuran kaari musthagubaleh gai surgery kurveyne
މެނިފެސްޓޯ ޚަބަރު
ޚުދު ޒައީމު ޓަބްސްއަށް އަދި ޑުރަގުބޯ ގުރޫޕަށް ހާޓެޓޭކު ޖެހިދާނެކަމަށް ބަލާފަ، ޑީއެމްޕީ ޒައީމުގެ ރިޔާސީ މެނިފެސްޓޯއަށް 1 އިސްލާހު ޒައީމީ ގަރާރަކުން ގެނެސް ދެވަނަ އިސްލާހު މެގަ ޕުރޮޖެކްޓު ޑުރާފްޓިންގ ކޮމިޓީއަށް ހުށަހަޅައިފި
23 މާރޗް 2008
ދިވެހި މަސައްކަތުމީހުންގެ ޕާޓީ (ޑީއެމްޕީ) ގެ މެގަޕުރޮޖެކްޓު މެނިފެސްޓޯ ގެ އަމާޒުގައި ލިޔެފައިވަނީ "މި ޕާޓީގެ ފުރަދާނަ ޒައީމް މރ. ޓަބްސްގެ ޒައާމަތުގައި 5050 އާ ހަމައަށް ސުލްހަ މަސަލަސްކަންމަތީ، ގައުމިއްޔަތާއެކު، ވެރިކަމުގެ ތަޚުތުގައި ދެމި ތިބުމެވެ. ޕާޓީގެ ޒައީމު ދުނިޔެ ދޫކުރުމަށް ފަހު ނޫނީ ޕާޓީގެ ޒައާމަތަކަށް ބަދަލެއް ނާންނާނެ" މިހެނެވެ. މީގެ އިތުރުންވެސް ވަރަށް ގިނަ ތަންތާނގައި 5050 ގެ ތަސައްވުރަށް ރިއާޔަތްކޮށް މުރާޖައާކުރެވިފައި އެބަވެއެވެ. އެހެންނަމަވެސް، ހަގީގަތުގައި 3042 އަހަރު ޒައީމު ޓަބްސްއަށް ދުނިޔޭގައި ހާޓްއެޓޭކެއް ނުޖެހި ހުރެވޭނަކަމަށް ލަފައެއް ނުކުރެވެއެވެ. ވީމާ 5050 މެނިފެސްޓޯގައި ލިޔެވިފައިވާ ތަންތަން ޒައީމު ޓަބްސްގެ ޒައީމީ ގަރާރަކުން 2050 އަށް 23 މާރޗް 2008 އިން ފެށިގެން ބަދަލުވެ އިސްލާހުވީއެވެ.މީގެ އިތުރުން،24 ފެބްރުއަރީ 2008 ވަނަ ދުވަހު ދިވެހި މަސައްކަތުމީހުންގެ ޕާޓީ (ޑީއެމްޕީ) ގެ މެގަޕުރޮޖެކްޓު މެނިފެސްޓޯ އާންމުކުރި އިރު، 'ޑުރަގުގެ ވަބާއިން ސަލާމަތްވުން' މި ސިޔާސަތުގައި ހުށަހަޅާފައިވާނީ، ' ޖުމްލަ 4 ގަޑި އިރު ތެރޭގައި މިހާރު ޑުރަގު ޑީލުކުރާ މީހުންނާ، ބޯ މީހުން ނައްތާލެވޭނެއެވެ. އެންމެ ޚަރަދުކުޑަކޮށް މިކަން ކުރެވޭނީ ބޮޑެތި ބާޖުގައި އެމީހުން ގެންގޮސް ކޮންމެސް ފުން ދިމާލަކަށް ފަހަރަކު މީހަކު ގަންބާނީއެވެ. ޚަރަދު ބޮޑުކޮށް ކުރާނަމަ، ކ، މާފުށީ ޖަލަށް އެ އެންމެ ގެންގޮސް ބަޑިގުދަންކާރީ ތިބެގެން ވަޔަށް، ޖައްވަށް، ފަޒާޔަށް ބަޑި ޖަހާނީއެވެ. އިސާހިތަކު އެއްވަޒަށް އަނެއްވަޒަނުގައި ޖެހި ނުކިއްސަރުވެގެން ގޮސް މީހުންކޮޅުގެ ބޮލަށާ އެތަން މިތަނަށް އަރައިދާނެއެވެ. މި ކަމަކީ ޑީއެމްޕީގެ ޒައީމު ވަރަށް ހިތާމަ ކުރާ ކަމެކެވެ. އެކަމަކު ގައުމީ ސަލާމަތައްޓަކައި ކޮންމެހެން ކުރަން ޖެހޭނެ ކަމެކެވެ. ' އެހެންނަމަވެސް، ފަހުގެ ޓެކްނޮލޮޖީ (އީމެއިލް، އެސްއެމްއެސް، އެމްއެސްއެން އަދި ފޭސްބުކް) ގެ ޒަރީޔާއިންނާއި ޒައީމު ޓަބްސްގެ ދަތުރުތަކުން ލިބުނު މައުލޫމާތާއި ޚިޔާލުތަކުގެ މައްޗަށް ރިއާޔަތްކޮށް، މި މާއްދާ އަލުން އިސްލާހުކުރަން މެގަޕުރޮޖެކުޓު މެނިފެސްޓޯ ލިޔާ ކޮމިޓީއަށް މިހާރު ވާނީ ހުށަހެޅިފައެވެ.
އަދި ރިޔާސީ ކެމްޕޭނު ނުވެސް ފެށެނީސް ކުއްލިއަކަށް މި މާއްދާ އިސްލާހު ކުރަން ޖެހުނު ސަބަބާއި، އިސްލާހުކުރެވޭ މާއްދާގެ ނަކަލު ތިރީގައި އެވަނީއެވެ.
މާއްދާ އިސްލާހުކުރަންޖެހޭ ސަބަބު:
މި މާއްދާގައިވާ ގޮތުން ޑުރަގު ޑީލުކުރާ މީހުންނާއި، ޑުރަގު ބޯ ހުރިހާ އެންމެން މިއޮތީ ކަނޑު ފައްތާ ގޮތަށެވެ. ވީމާ، ފުންކޮށް ވިސްނާލާއިރު، އެ ޑީލަރުންނާއި، ބޯމީހުން އަދި އެމީހުންގެ އާއިލާތަކާއި އެކުވެރިންނަށް މިކަމުގެ ސަބަބުން ހާޓުއެޓޭކް ޖެހުމަކީ ވަރަށް ގާތްކަމެކެވެ. މެނިފެސްޓޯގައި މިބައި ހިމެނި އިރު ޒައީމު ޓަބްސް ހާޓުއެޓޭކު މީ ޖެހޭ އެއްޗެއްކަން އެވަގުތު 'ހަނދާންނެތުނީ' މައެވެ.
މާއްދާ އިސްލާހުކުރަން ހުށަހެޅޭގޮތް:
ރާއްޖޭގައި މިހާރު މިއޮތް ޑުރަގުގެ ވަބާއިން ސަލާމަތްވުމަށް އެންމެ ކަމުދާގޮތެއްކަމަށް ފަހުގެ ހޯދުންތަކާއި ދިރާސާތަކުން ދައްކަނީ ޑުރަގު ހޯދަން އެނގޭ ކުއްތާ ގިނަ އަދަދަކަށް ރާއްޖެއަށް އެތެރެކޮށް ވަކި ނިސްބަތަކުން ރަށުތެރެޔަށް ދޫކޮށްފައި ބޭތިއްބުމެވެ. މިގޮތުން އާބާދީގެ ކޮންމެ 1000 މީހަކަށް 5 ކުއްތާގެ ރޭޓުން ރަށުތެރެޔަށް ދޫކޮށްފައި ބަހައްޓާނީއެވެ. އޭރުން ގޭގޭ ފާރުބުޑުގައި ބިޑިޔެއް އަނބުރާލާއިރަށް ކުއްތާތައް ވައްވައް ޖަހައިގަތީމާ ބިޑިޔަކަށް ބިޑިޔެއް ދޫކޮށް ބޯ މީހުން ދުވެ ރައްކާވާނެއެވެ. ހަމަ މިފަދައިން، ޑީލުކުރާމީހުންވެސް ޕެކެޓާއި ބުލެޓު ޖީބަށްލައިގެން އުޅޭނެ ފުރުސަތު ގެއްލޭނެއެވެ. އިސާހިތަކު ކުއްތާތަކުގެ އުނދަގުލާހެދި މައްސަލަ ހައްލުވެދާނެއެވެ. މި ކުއްތާތައް ފުރަތަމަ ބުރުގައި ގެންނާނީ ސީދާ އިނގިރޭސި ވިލާތުން، ހުރިހާ ބާވަތެއްގެ ޑުރަގުގެ ވަސްބެލުމުގެ ތަމްރީނު ދިނުމަށްފަހުއެވެ. އަދި، އޭގެ ފަހުން ކުއްތާ ތަމްރީނުކުރާ ވަކި ރަށެއް އާންމު އުސޫލުން ބިޑުކޮށްގެން ދޫކުރެވޭނެއެވެ. ބިޑު ޑޮކިޔުމެންޓެއްގެ އަގަކީ 10،000 ރުފިޔާއެވެ. ބޭރު މީހެއްނަމަ ގާތްގަނޑަކަށް ހަމަ އެ ރޭޓުން 1000 ޑޮލަރެވެ.
ޒައީމު ޓަބްސް ދެކިފުޅުވަޑައިގަންނަވާ ގޮތުގައި މިހާ އަވަހަށް ޑީއެމްޕީގެ މެގަޕުރޮޖެކްޓު މެނިފެސްޓޯއަށް އިސްލާހު ހުށަހަޅަން ޖެހުމަކީ ކޮންމެހެން ލަދުގަންނަންޖެހޭކަމެއް ނޫނެވެ. އަދި ވަކިން ޚާއްސަކޮށް އެކަމަކީ ބަޔަކަށް ހާޓުއެޓޭކު ޖެހޭފަދަ ކަމެއް ނަމަ ވީހާވެސް އަވަހަށް ގައުމީ ވަހުދަތާއި، ސުލްހަ މަސަލަސްކަން ދެމެހެއްޓުމަށް އިޚުލާސްތެރިކަމާއެކު ކޮންމެހެންވެސް ކުރަން ޖެހޭނެކަމެކެވެ. މީހަކު ނުވަތަ ބަޔަކު ކިޔާހާ އެއްޗަކަށް ބަލާކަށް ނުޖެހޭނެއެވެ.
ޚަބަރު މުރާޖައާ
މެގަ ޕުރޮޖެކްޓު މެނިފެސްޓޯއިން އެހެން ޒައީމުން މައުލޫމާތު ކޮޕީ ކުރާތީ ޑީއެމްޕީގެ ޒައީމު ވަރަށް ބޮޑަށް އެކަމާ އިހުތިޖާޖުކޮށްފި
2 މާރޗް 2008
މިދިޔަ ހަފްތާގައި ނެރުނު ދިވެހި މަސައްކަތުމީހުންގެ ޕާޓީގެ މެގަ ޕުރޮޖެކްޓު މެނިފެސްޓޯއިން އެހެން ޒައީމުން މައުލޫމާތު ނަގާ ކޮފީ ކުރާތީ އެކަމަށް ޑީއެމްޕީގެ ޒައީމު ވަރަށް ހައިރާންފުޅާއި އަންތަރީސްފުޅު ވެވަޑައިގެން ހުންނަވާ އިހުތިޖާޖުކޮށްފިއެވެ. ފޯނުން ޑީއޯއަށް ދެއްވި ބަސްދީގަތުން ފުޅެއްގައި އެމަނިކުފާނު ވިދާޅުވީ 'މިކަމުން އެނގެނީ އެހެން ޒައީމުންގެ ސިޔާސީ ބުރަދަނެއް ނެތްކަން' ކަމެވެ. ކޮންމެއަކަސް ޒައީމު ޓަބްސް ހުންނެވީ މިކަމާ ވަރަށް ނުރުހުންވެފައެވެ.
އިހުތިޖާޖު ކުރުމަކީ ކޯޗެއްކަންވެސް، ގިނަ ދިވެހިންނަށް އަދިވެސް ނޭނގޭ ފަދައިން ޒައީމު ޓަބްސަކަށްވެސް ނޭނގޭ ކަމަށްވެސް އެމަނިކުފާނުގެ ބަސްދީ ގަތުން ފުޅުގައި ވިދާޅުވިއެވެ. ޕާޓީ ރަޖިސްޓަރ ކުރުމުގެ ކަންތައް ކިހާ ހިސާބެއްގަތޯ އެހުމުން ވިދާޅުވީ 'މެނިފެސްޓޯ އެއޮތީ ނެރެފާ...' ކަމަށެވެ.
މިދިޔަ ހަފްތާގައި ކޮންމެސް ޒައީމެއް، މެގަ ޕުރޮޖެކްޓޭ، ނުވަ އެއާޕޯޓޭ ކިޔައިގެން އަނގަ ގެޅުއްވިއެވެ. އެއީ ޑީއެމްޕީގެ މެގަ ޕުރޮޖެކްޓު މެނިފެސްޓޯ ނެރުނުފަހުންނެވެ.
ދިވެހި މަސައްކަތުމީހުންގެ ޕާޓީގެ 'މެގަ ޕުރޮޖެކްޓު' މެނިފެސްޓޯގެ ދެވަނަ ބާބު
ދިވެހި މަސައްކަތުމީހުންގެ ޕާޓީ މެނިފެސްޓޯ 1
24 ފެބްރުއަރީ 2008
އަމާޒު
މިޕާޓީގެ އަމާޒަކީ ސާދާ އަދި ސީދާ އަދި ވަރަށް އިޚުލާސްތެރި، ރައްޔިތުންގެ ވެރިކަމެއް ގައުމީ ވަހުދަތަށްޓަކައި ކުރުމެވެ. މި ޕާޓީގެ ފުރަދާނަ ޒައީމް މރ. ޓަބްސްގެ ޒައާމަތުގައި 2050 އާ ހަމައަށް ސުލްހަ މަސަލަސްކަންމަތީ، ގައުމިއްޔަތާއެކު، ވެރިކަމުގެ ތަޚުތުގައި ދެމި ތިބުމެވެ. ޕާޓީގެ ޒައީމު ދުނިޔެ ދޫކުރުމަށް ފަހު ނޫނީ ޕާޓީގެ ޒައާމަތަކަށް ބަދަލެއް ނާންނާނެއެވެ. އެހެންނަމަވެސް، ޕާޓީގެ ޒައީމަށް ދިމާވާ ސިއްހީ ހާލަތަކާހުރެ، މިސާލަކަށް ހަނދާންނެތޭބަލި ނުވަތަ ޑެމެންޓުވެއްޖެނަމަ، އަތުންފައިން މޮޔަ ނުހަދަނީސް އޭނާ ގައުމީ އިއްޒަތުގައި މަގާމުން އިސްތިއުފާދޭނެއެވެ. ނަމަވެސް، އޭނާއަށް މަރުދުވަހާ ޖެހެންދެން ކުރިން ލިބުނު މުސާރައިގެ ދެގުނަޔާއި، ރިޔާސީ ގަނޑުވަރާއި، އާރަށް، އަދި ބޮޑު ޔޮޓަކާއި 5 ސުޕީޑު ލޯންޗު ގައުމީ ހަދިޔާއެއްގެ ގޮތުގައި އެރުވޭނެއެވެ. ކުރުގޮތަކަށް ޚުލާސާކުރާނަމަ، މިޕާޓީގެ އަމާޒަކީ، ޕާޓީގެ ޒައީމުގެ ވެރިކަމުގެ ސައާދަތުގައި ތާއަބަދަށް ދިވެހި ގައުމު ދެމިއޮތުމެވެ.
 |
ޑިމޮކްރަސީ އަދި ސިޔާސީ ލަފާ ހޯދުން
މިފާޓީން ރާއްޖޭގައި ތާ އަބަދަށް ޑެމޮކްރަސީ ބޭއްވުމަށް ލަފާ ހޯދަން ގުޅޭނީ އިޓާނަލް ޕުރެސިޑެންޓު އޮފް ނޯތު ކޮރެޔާ، ގުރޭޓު ލީޑަރު ކިމް އިލް ސުންގް ފަދަ، ކިއުބާގެ ފިޑޭލް ކާސްޓްރޯ ފަދަ ބޭބޭ ފުޅުންނާއި އެވެ. އެއީ މި ބޭބޭފުޅުންނަކީ ތަޖުރިބާގެ ގޮތުން އެންމެ ގިނަދުވަހު ވެރިކަމުގައި ދެމިތިބި ބޭފުޅުންނަށްވާތީއެވެ.
ތައުލީމު
ކޮންމެ ދިވެހި ރައްޔިތެއްގެ އަތުގައިވެސް އުސޫލެއްގެ ގޮތުން ޕީއެޗްޑީއެއް އޮންނަންވާނެއެވެ. ސަރުކާރުގެ ވެރިންނާއި ދައުލަތުގެ މަތީ ފެންވަރުގެ ވެރިންގެ ދަރީން ކިޔަވަންވާނީ ރާއްޖޭން ބޭރުންނެވެ. ރާއްޖޭގެ އެހެން ކުދިންނަށް އޯލެވެލް އޭލެވެލްއާ ހަމައަށް ކިޔެވުމުގެ ޚަރަދުގެ އިތުރުން 10 އަދި 12 ވަނަ ގުރޭޑުން ފާސްނުވިޔަސް ކޮންމެ ކުއްޖަކަށްވެސް 1 ލައްކަ ރުފިޔާ ރައީސުލް ޖުމްހޫރިއްޔާގެ ރަމްޒީ ހެޔޮފުޅުކަމުން ދެވޭނެއެވެ. އެކަމަކު، ސުކޫލު ދައުރުގައި ރަށްމެދަށްބަޑުބޮޑުވެ، ފަތްބޮއި، ހަކުރުދަމާ ކުދިންނަކަށް މި ފައިސާއެއް ނުދެވޭނެއެވެ. އެއިން ކޮންމެ ކުއްޖަކަށް ދޭނީ ރައީސުލް ޖުމްހޫރިއްޔާ ޓަބްސްގެ ފޮޓޯ ޖަހާފައިވާ ރަން ޕުލޭޓުގެ ކިޔު އެންޑު ކިޔު ރީތި ގައުމީ ގަޑިއެކެވެ.
ލަންކާ އިންޑިޔާއިން ޓީޗަރުން ގެނައުން ހުއްޓާލާ، މީގެ ފަހުން ޓީޗަރުން ގެންނާނީ ހަމައެކަނި މިސުރުންނެވެ. ސައިންސް މާއްދާތަކަށް ޓީޗަރުން ގެންނާނީ އުތުރު ކޮރެޔާއިންނެވެ. މީހުން ދިރިނޫޅޭ ރަށްރަށުގައިވެސް ސްކޫލެއް އަޅާ ދެވޭނެއެވެ. އެއީ 2050 ގެ ތަސައްވުރުގެ ދަށުން އެރަށްރަށަށް މީހުން ބަދަލު ކުރަން ޖެހިދާނެތީ ކުރިމަގަށް ވިސްނާފައެވެ.
ސިއްހަތު
ސަރުކާރުގެ ވެރިންނާއި ދައުލަތުގެ މަތީ ފެންވަރުގެ މީހުންނާއި އާއިލާގެ ބޭސް ފަރުވާ ކުރުން އޮންނާނީ މުޅިން ސިންގަޕޫރާއި ޔުކޭއިން ދައުލަތުގެ ޚަރަދުގައެވެ. އާންމުންނަށް ބޭސް ފަރުވާ ދޭން ބޮޑު ސިންގަޕޫރުގެ މައުންޓު އެލިޒަބަތު ވަރުގެ ނުވަތަ ޓުރޭންޑުރަމުގެ މެޑިކަލް ކޮލެޖުވަރުގެ ބޮޑު މާސިންގާ ހޮސްޕިޓަލެއް ހުޅުމާލޭގައި އެޅޭނެއެވެ. ޑޮކްޓަރުން ގެންނާނީ ކިޔުބާއިންނާއި މިސުރުން އެކަންޏެވެ.
ބޭސް ފަރުވާޔަށް އިންޑިޔާ ލަންކާއަށް ދިޔުން މަނާ ކުރެވޭނެއެވެ.
ފަޅު ހިއްކުމާއި ބަނދަރު ހެދުން – އެއްފަސްކުރުމުގެ ސިޔާސަތުގެ ރޫޓުމެޕް
2050 ގެ ތަސައްވުރުގެ ދަށުން ރާއްޖޭގެ ކޮންމެ އަތޮޅެއްގެ ހުރިހާ ރަށެއް އެއްފަސްކުރެވޭނެއެވެ. މާނަޔަކީ އަތޮޅު އަތޮޅު އޮތް ގޮތަށް ހިއްކާލެވޭނެއެވެ. އަދި އެއްފަސްކުރެވޭ ކޮންމެ ސަރަހައްދެއްގައި އެއަރޕޯޓެއް އެޅޭނެވެ. ބައެއް އަތޮޅުތައް ގުޅާލެވޭނީ ކަނޑު ހުރަސްކޮށް އެޅޭ ބުރިޖުންނެވެ.
ޑީއެމްޕީގެ އެއްފަސް ކުރުމުގެ ސިޔާސަތުގެ ރޫޓުމެޕްގެ ވަގުތީ ފަރުމާއެއްގެ ކުރެހުމެއް އަރިމަތީގައި އެވަނީއެވެ. ފެހި ކުލައިގައި އެވަނީ އެއްފަސް ކުރެވޭނެ ގޮތެވެ. ރީދޫ ކުލައިގެ މަތިންދާބޯޓު ލޯގޯ ބޮޑު އެއީ ބައިނަލް އަގުވާމީ ފެންވަރުގެ އެއަރޕޯޓެކެވެ. މީގެ ޖުމްލަ 3 ތަން ހެދޭނެއެވެ. އަދި އެތެރެވަރީގެ އުދުހުމަށް ޖުމްލަ 4 އެއަރޕޯޓު ހެދޭނެއެވެ.
މި މެގަ ޕުރެޖެކްޓު ހިންގަން 'މިނިސްޓްރީ އޮފް މެގަ ޕުރޮޖެކްޓްސް އެންޑް ބިގް ލޭންޑް ވިތް މެނީ އެއަރޕޯޓް އެންޑް އީވަން ބުރިޖަސް' ހެދޭނެއެވެ. އެމިނިސްޓްރީ ހިންގާނީ ސީދާ ރައީސުލް ޖުމްހޫރިއްޔާއެވެ.
ދަނޑުވެރިކަމާއި މަސްވެރިކަން
މިކަމަށް ރާއްޖެއަށް މީހުން ގެންނާނީ އިންޑިޔާއާއި ސިލޯނު އަދި ބަންގާޅުންނެވެ. ދިވެހިން ތިބޭނީ ކުންފުނި ހިންގަން ބޮޑެތި މޭޒުތަކުގައި ޗެކުތަކުގައި ސޮއިކުރާށެވެ. މިސާލަކަށް ގަލްފު ގައުމުތަކުގައި އޮންނަ ކަހަލަ ގޮތަކަށެވެ.
ޚާރިޖީ ސިޔާސަތު
މިޕާޓިން އެކަމާ މާބޮޑަށް އަޅާލާކަށް ބޭނުމެއް ނުވެއެވެ. ޚާރިޖީ ސިޔާސަތެއް އޮތަސް ނެތަސް ރައްޔިތުންނަށް ކުރާނެ ފައިދާއެއް ނޯންނާނެއެވެ. އެހެންވީމަ، ޚާރިޖީ މިނިސްޓްރީ އުވާލެވޭނެއެވެ.
ޑުރަގު ގެ ވަބާއިން ސަލާމަތްވުން
ޖުމްލަ 4 ގަޑި އިރު ތެރޭގައި މިހާރު ޑުރަގު ޑީލުކުރާ މީހުންނާ، ބޯ މީހުން ނައްތާލެވޭނެއެވެ. އެންމެ ޚަރަދުކުޑަކޮށް މިކަން ކުރެވޭނީ ބޮޑެތި ބާޖުގައި އެމީހުން ގެންގޮސް ކޮންމެސް ފުން ދިމާލަކަށް ފަހަރަކު މީހަކު ގަންބާނީއެވެ. ޚަރަދު ބޮޑުކޮށް ކުރާނަމަ، ކ، މާފުށީ ޖަލަށް އެ އެންމެ ގެންގޮސް ބަޑިގުދަންކާރީ ތިބެގެން ވަޔަށް، ޖައްވަށް، ފަޒާޔަށް ބަޑި ޖަހާނީއެވެ. އިސާހިތަކު އެއްވަޒަށް އަނެއްވަޒަނުގައި ޖެހި ނުކިއްސަރުވެގެން ގޮސް މީހުންކޮޅުގެ ބޮލަށާ އެތަން މިތަނަށް އަރައިދާނެއެވެ. މި ކަމަކީ ޑީއެމްޕީގެ ޒައީމު ވަރަށް ހިތާމަ ކުރާ ކަމެކެވެ. އެކަމަކު ގައުމީ ސަލާމަތައްޓަކައި ކޮންމެހެން ކުރަން ޖެހޭނެ ކަމެކެވެ.
ބަނގުރާ (މިސާލަކަށް ވިސްކީ، ވޮޑުކާ، ޖިން، ބިޔަރު) ފަދަ ތަކެތި ވިއްކުމާއި، ގަތުމާއި، ބެއްލެވުމާއި އަދި ފަތުރުވެރިކަން
ޑީއެމްޕީން ދެކޭ ގޮތުގައި، ރާބޯ މީހެކޭ، އެވިއްކާ މީހެކޭ، އެކަމަށް ހުއްދަ ދޭމީހެކޭ، އޭއްޗެހި ނޭގި ނަމަވެސް އުފުލާ މީހެކޭ، ވާނީ ހަމަ އެއްވަރެވެ. އެހެންވީމާ، ރާއްޖޭގައި ރާ ވިއްކުމުގެ ހުއްދަ ވަގުތުން ބާތިލުކޮށް، ރާއްޖޭގެ ހުރިހާ ރިސޯޓުތަކެއްގައި އަރަބިންނަށް ހޮލިޑޭ ހެދޭގޮތަށް ރީތި ޅަފަތުގެ ފިރިހެންކުދިން ލައިގެން އެތަންތަން ހިންގާނީއެވެ. ލިބޭ އާމްދަނީ ވަކި ކުޑައެއް ނުވާނެއެވެ. އެއްކަލަ ކުޑަބަނޑޮހުގައި ސާވު ކުރި ވެއިޓަރަށް ޓިޕަށް އަރަބި ޕުރިންސަކު އެއްލައްކަ ޑޮލަރު ދިން ވާހަކަ އަޑު އެހީމެއްނޫން ހެއްޔެވެ! އެހެންވީމާ، އަރަބިން އަންނަންޏާ ހަމައެކަނި ޓިޕުންވެސް ވާނެއެވެ. އެކަމަކު، ދޭތެރެ ދޭތެރެއިން ރިސޯޓު މުވައްޒަފުންނަށް ފުރަގަސްފަރާތު ބައްޔަށް ބޭސްކުރަން ސަރުކާރުން ފަންޑެއް ހުޅުވަން ޖެހޭނެއެވެ.
ތިންބާރު ވަކިކުރުން
މި ޕާޓީގެ ޒައީމު ދުނިޔޭގެ އަލިކަން ދެކެވަޑައިގަތް އިރުވެސް ތިންބާރު އޮތީ އެކުއެކީ ގުޅި ލާމެހިފައެވެ. ނަމަވެސް، އިންތިޚާބުގައި ކާމިޔާބު ކުރުމަށްފަހު، ރައީސުލް ޖުމްހޫރިއްޔާ ކަމުގެ ހުވާ ކުރުމުގެ ކުރިން ޒައީމް ޓަބްސްގެ ތިންބާރު ވަކިކުރަން އިނގިރޭސި ވިލާތުގައި އޮޕަރޭޝަނެއް ކުރެވޭނެއެވެ.
ތުނބުޅިއާއި ކުރު ފަޓުލޫނު
މި ޕާޓީގެ ޒައީމް ޓަބްސް އަކީ ވައްތަރެއްގެ ސައްބެކެވެ. އެހެންވީމާ މޫނުމަތީގައި މާގިނަ އިސްތައްޓެއް ނުހުރެއެވެ. އެހެންނަމަވެސް، އެއްޗެއް ފަޅަނީ ކަމެއްވާތީ ކަމަށް ބަލާފައި ފަޅާ އެއްޗެއް ވެއްޖިއްޔާ ނުކޮށާ ބަހައްޓަން މި ޕާޓިން ބާރު އަޅާނެއެވެ. ނަމަވެސް، ވަސް ގަނދަވެގެން ނުވަތަ ސާފުތާހިރުކޮށް ހުރުމަށް ކޮށާ ކުރުކުރުމަކާ މެދު ގާނޫނީ ގޮތުން ފިޔަވަޅެއް ނޭޅޭނެއެވެ. ޒައީމު ޓަބްސް ގިނައިން ލަނީ ސާފު ސޯޓެވެ. އެހެންވީމާ، ހުރިހާ އެންމެންވެސް ސޯޓު ލުމަށް ބާރު އެޅޭނެއެވެ.
ރާޅާ އެޅުމާއި ވިންޑުސާފުކުރުމާއި ޑައިވިން
ސިއްހަތު ސަލާމަތުން ބެހެއްޓުމަށާއި، ފަރުތަކުގަޔާއި ފަޅުފަޅުގެ އަޑީގައި ފޮރުވާފައި ހުންނަ ޑުރަގު ބަސްތާތައް ހޯދުމުގެ މާތް މަގުސަދުގައި މި ތިން ކަމަކީވެސް ގައުމީ ކަންތައްކަމުގައިވެ، އެންމެންވެސް ކުރަން މަޖުބޫރު ކުރެވޭނެއެވެ.
ގައުމީ ޝިއާރުތައް
ރާޅާއެޅުމާއި ދިވެހި ބަސް، ގައުމިއްޔަތުގެ ސުލްހަ މަސަލަސް
ކަނޑުފަޅު ފީނުން، ގައުމުގެ ސަމާހަތު
ފަތް ނުބޮމާތޯ... ޖޫސް ބޮމާތޯ...
ހަކުރު ނުބޮމާތޯ.... ސައި ނުވަތަ ކޮފީ ބޮމާތޯ....
ވެރިކަމުގެ ނިޒާމު
ޕާޓީ ސިސްޓަމަކީ ބައިބައި ކުރުވާ، ނަސާރާ ދީން ފަތުރާ ކަމެއް ކަމަށް ރައްޔިތުންނަށް ފެނޭތޯ، ނުވަތަ ނުފެނޭތޯ ބެލުމަށް ވޯޓަކަށް އަހާފަ، ޕާޓީގެ ޒައީމް ޓަބްސް ސުލްތާނަކަށް ބަދަލުކޮށް، ވިރާސީ ވެރިކަމެއް އާދަކާދައިގެ މަތިން ފެށުމަށް ބާރު އެޅުން
އާއިލާ މީހުންނަށް މަތީ މަގާމު ދިނުން
މިޕާޓީގެ ޒައީމު ރައީސުލް ޖުމްހޫރިއްޔާކަމުގެ ހުވާކުރާތާ 7 ދުވަހުގެ ތެރޭގައި ޒައީމުގެ މުޅި އާއިލާ، ޑީޕޯޓު އަރުވާލެވޭނެއެވެ. އަދި، ޒައީމު ވެރިކަމުގައި ހުރިހާތައް ދުހު އެމީހުންނަށް ރާއްޖޭގެ ދާޚިލީ އެއްވެސް ކަމަކާ ނުބެހެވޭނެއެވެ.
އާމްދަނީއާއި ވަޒީފާ
އާމްދަނީ ހޯދާނެކަމެއް ނެތެވެ. އަމިއްލަ ކުންފުންޏެއް ނުހިންގެންޏާ ދެން މީހުންކާރީ ރީތިކޮށް ސަލާން ޖަހާލައިގެން، ކޮންމެސް މީހަކު އަތުން ސައިބޯލައިގެން އުޅޭނީއެވެ. މިހާރުވެސް މި އުޅެވެނީތާއެވެ. ކަށީގަ ހިފާފަ ހުރި ކަމެއް ފިލުވާލާކަށް ފަސޭހައެއް ނުވާނެއެވެ.
މީޑިޔާގެ އަދި އެއްވެ އުޅުމުގެ މިނިވަންކަން
މި ޕާޓީގެ ޒައީމް ޓަބްސްއާ ނުބެހޭހާ ހިނދަކު މިނިވަންކަން ދެވޭނެއެވެ. 3 މީހުންނަށްވުރެ ގިނައިން ތަނަކަށް އެއްވާކަށް ޒައީމަކަށް ނުފެނެއެވެ. އެކަމަކު ކޮންމެހެން އެއްވާން ޖެހެންޏާ، ފުރާޅެއްގެ ދަށުގައި އެއްވާށެވެ. އެހެންނޫނީ ކެރިކޮޅެއް ވެހޭއިރަށް މީހުންކޮޅު ތެމި ފޯވާނެއެވެ.
ކަރުނަގޭސް އެތެރެކުރުން މަނާކުރުން
މިޕާޓީން ކަރުނަ ގޭސް އެތެރެކުރުން މަނާކުރާނަމެވެ. އަދި، މީހުން ކޮންޓްރޯލްކޮށް، ސުލްހަ މަސަލަސްކަން ގެނައުމަށް ތައްޔަރު ކުރާނީ ވަރުގަދަ، ނޯށަށް ނުކުޅަދާނަވާވަރަށް ބަބުރުވަސް ލަޑާ ބޮޑު ފައުޖެކެވެ. ދެން މީހުން ހަމަ ތަނަކަށް އެއްވާއިރަށް އެތަނަށް އެބައިގަނޑު ފޮނުވާނީއެވެ. އިސާހިތަކު މީހުންތައް ބަޗާފާނެއެވެ.
ފުރީ އެންޑު ފެއަރ އިންތިޚާބު
ޒައީމު އަރާގޮތަށް ފައިބަންދެން އިތުރު އިންތިޚާބެއް ނުބޭއްވޭނެއެވެ. އެއީ، ބޭކާރު ޚަރަދުތަކެއް ކުރަން ބޭނުން ނުވުމާއި، ރައްޔިތުންގެ އިޚުލާސްތެރި ލޯބި އަބަދުވެސް ޒައީމު ޓަބްސްއަށް އޮންނާނެކަމުގެ ޔަގީންކަން އޮތީމައެވެ. އެކަމަކު ބާއްވަންޖެހޭ އެހެން އިންތިޚާބުތަކާ، އީޔޫއިން ބުނާ އިންތިޚާބުތައް ބޭއްވުން ފެއަރ އެންޑު ފުރީކުރަން ޓެންޑަރަށްލައިގެން ހަވާލުކުރާނީ މައިކުރޯ ސޮފްޓު ނުވަތަ އައިބީ އެމާއެވެ. ޓެންޑަރ ޑޮކިޔުމަންޓު ވިއްކާނީ އިލެކްޝަން އޮފީހުން ބަންދު ނޫން ކޮންމެ ދުވަހަކު މެންދުރު 12:00 އިން 2:00 އަށެވެ. ޑޮކިޔުމެންޓެއްގެ އަގަކީ އެއްލައްކަ އެމެރިކާ ޑޮލަރެވެ. ދިވެހި-ބޭރު ޖޮއިންޓު ވެންޗާ ކުންފުނީގެ ބިޑުތައް ބާތިލުވާނެއެވެ.
ރައީސުލް ޖުމްހޫރިއްޔާގެ ހުވާ ކުރުން
ޒައީމު ޓަބްސް ރައީސުލް ޖުމްހޫރިއްޔާ ކަމުގެ ހުވާ ކުރާއިރު، އެ މަނިކުފާނުގެ އަތްޕުޅުގައި ބެލިސްޓިކް މިސައިލެއް އަދި ރޮކެޓް ޕުރޮޕެލްޑު ގުރެނޭޑެއް ކޮނޑުފުޅުގައި އެޅުވިފައި ހުންނާނެއެވެ. އަދި، އެމަނިކުފާނުގެ ޕާޓީގެ އެހެނިހެން ވެރިންގެ އަތުގައި ހޭންޑު ގުރެނޭޑްވެސް ހުންނާނެއެވެ. އެއީ ފަހަރުގައިވެސް ރައްޔިތުން ޒައީމު ޓަބްސް ހޮވާފައިވަނިކޮށް އެކަންތައް އެހެން ބަޔަކު ފަނިކޮށްލަފާނެތީއެވެ. އެކަމަކު މީ ގާނޫނާއި ޚިލާފު ކަމަކަށްވެސް ވެދާނެއެވެ. ރައްޔިތުންގެ ހައްގުގައި ޒައީމު ޓަބްސް އެކަމަކު މިކަން އިޚުލާސްތެރިކަމާއެކު ކުރާނެއެވެ.
ދިވެހި މަސައްކަތުމީހުންގެ ޕާޓީ މެނިފެސްޓޯ 2
1 މާރޗް 2008
ޒައީމުކަން ނިގުޅައިގަތުން
އަންނަނިވި ހާލަތްތަކުގައި، ނުވަތަ މި ކަންތައްތައް ޒައީމު ޓަބްސް ކޮށްފިނަމަ ޒައީމުކަން ނިގުޅައިގަނެވޭނެއެވެ.
1. ބަނގުރާ އަދި ބުދު އެތެރެކުރުމާއި، ވިއްކުން، ބުއިން، އުފުލުން ނުވަތަ މީންކަމަކަށް ހުއްދަ ދިނުން ( ވަރިހަމަ ބިލިޔަނަރުން ޕާޓީ ނުބޭއްވޭތީ ފަތުރުވެރިކަމު ރާއްޖެ ނަޔަސް)
2. ޖައްވަށް، ފަޒާޔަށް، ވައިގެތެރެޔަށް ނުވަތަ އެނޫންވެސް އެހެން ދޭތެރެޔަކަށް ބަޑި ޖަހައިގެން، ބޮންގޮއްވައިގެން، ކަނޑިން ނުވަތަ ދަންޖައްސައިގެން ނުވަތަ ހާނިކަކޮށް ތަޅައިގެން ވިޔަސް މީހަކު ނުވަތަ ބަޔަކު މެރުން
3. ފިސްތޯލަ ހިފައިގެން ހުރެ ހުވާ ކުރުން (އެހެން އެއްޗެއް ހިފައިގެން ހުރުން މި މާއްދާއަކުން މަނައެއް ނުކުރާނެ)
4. އޮފީހުގަ އުޅޭ އަންހެން ނުވަތަ ފިރިހެން މުވައްޒަފެއްގެ ފުރިސިޔާނާ ބޮނޑި ނުވަތަ ކޮތަޅުގައި ހިފުމާއި، އެއިން އެއްވެސް މީހެއްގެ އެއްޗެއްގައި ރުހުމުގައި ނުވަތަ ނުރުހުމުގައި ނަމަވެސް އަނގަޖަހާ ފިރުމުން
5. އުމުރުން 100 އަހަރު ނުވަނީ ޒުވާންކަމަށް ދައުވާކުރުން
6. އަސޭމިރުސް ހިކިކޮށް ނުވަތަ ދިޔާކޮށްވިޔަސް މީހުން ގަޔަށް ޖެހުން
7. ބޮޑި ބަތާއި މަގު ފޭރުން
8. ކަނޑު ފޭރުން، މިސާލަކަށް އޮޑިދޯނި ފަހަރު ބަޑީގެ ބިރު ދައްކައިގެން ފޭރި އޭގެ މީހުން ރަހީނުކުރުން
9. ރޯ އޮރިޔާމުން ނުވަތަ ބަރަހަނާކޮށް ހުރެ މަގުމަތީގައި އުޅުން ނުވަތަ ގައުމާ މުޚާތަބުކުރުން
10. ތިންފަށްވުން އަދި ފިރިހެނުންނާއި އެކު ޖިންސީ ގުޅުން ބޭއްވުން
|
ޕޯސްޓް މޯޓަމް ހެދުން
ކޮންމެ ދިވެއްސަކުވެސް މަރުވުމުގެ ކުރިން ޕޯސް މޯޓަމް ހަދަން ޖެހޭނެއެވެ. އެއީ މަރުވާނީ ކިހިނެތްތޯ ބެލުމަށެވެ. އަދި ޕޯސްޓް މޯޓަމް ހެދި ޑޮކްޓަރުގެ ނަމާ، ހެދި ގައުމުގެ ނަމާއި ތާރީޚު ޕާސް ޕޯޓުގައި ނުވަތަ އައިޑީ ކާޑުގައި ޖަހާފައި އޮންނަންވާނެއެވެ.
ޚިތާނު ކުރުމާއި ބަނޑިޔާ ޖެހުން
ސިޔާސީ ޕާޓީތަކުން ޚިތާނު ކޮށްދޭ ގޭގޭގައި ޑީއެމްޕީ އިން ހިލޭ ބަނޑިޔާ ޖަހާ ދެވޭނެއެވެ. ބަނޑިޔާ ޖަހާއިރު މުޅިންވެސް ކިޔާނީ ގައުމީ ލަވަޔޭ ކިޔާފަ ޒައީމު ޓަބްސަށް ހަމްދު ސަނާކޮށް ހުސާމަތުކޮށް ލިޔެފައި ހުންނަ ލަވަލަވައެވެ. މި މޭރުމުން ބަނޑިޔާ ޖެހުމަކީ ގައުމީ ކުޅިވަރެއްގެ ފެންވަރުގައި ޖަހާ އެއްޗެކެވެ.
މަސް ކިރުމުގެ ހައްގު އަދި ކެޔޮޅުންނާއި މަސްވެރިންގެ ފެންވަރު
ތިޔަ ހުރެ ޖަހާ މަޅިފަތިތަކަށް، ކިޔަމަންވެ ބޯ ނުމަހާނަމޭ،
ދިޔަޔަސް ފުރާނަ މި ފަސްގަނޑަށް، ބޭނި މަސްކޮޅު ކިރާނަމޭ،
މާ ކެޔޮޅުންނަކީ މިނިސްޓަރުންގެ ފެންވަރުގެ ބަޔެކެވެ. ކެޔޮޅުންނަކީ މިނިސްޓަރުންގެ ނައިބުންގެ ފެންވަރެވެ. އާދައިގެ މަސްވެރިންނަކީ ރިސޯޓުތަކުގެ ފުރަންޓު އޮފީސް މެނޭޖަރުންގެ ފެންވަރުގެ ބަޔެކެވެ.
ދޭތެރެ ދުރުކުރުމާއި ކައިވެނި ރޫޅާ ލުން
ދޭތެރެ ދުރުކުރުން ގާނޫނީ ގޮތުން ހޮވޭ ޑީއެމްޕީގެ ސަރުކާރުން މަނާ ކުރެވޭނެއެވެ. މިހާރުވެސް މިޖެހެނީ އާބާދީ ކުޑަކަމުން ބަންގާޅުންނާ އެތައް މިތަނުން މީހުން ގެންނާށެވެ. އެހެންވީމާ ދޭތެރެ ދުރުކުރުމަކީ ގައުމަށް އެހާ އިޚުލާސްތެރި ކަމެއްކަމުގައި ނުބެލެވޭނެއެވެ. ޑީއެމްޕީން ދޭތެރެ ކައިރިކުރަން ކުރެވުނުހާ މަސައްކަތެއް ވަރަށް އިޚުލާސްތެރިކަމާއެކު ކުރާނޫއެވެ.
ކައިވެނި ރޫޅާލުން ދީނުގައި އޮންނަގޮތަށް ހަވާލު ކުރެވޭނީ ސީދާ ފިރިމީހާއާއި އެވެ. 5000 ރުފިޔާ ދީގެން ގާޒީން ލައްވާ ކޮންމެހެން ވަރިކުރާކަށް ނުޖެހޭނެއެވެ. މިއުޅެނީ ލާރި ގިނަވެގެންނެއް ނޫނެވެ.
ޝީ ގެ ނަން ބަދަލުކުރުމާއި ހިންގުން
ޒައީމު ޓަބްސްގެ ގާނޫނީ ގޮތުން ހޮވޭ ސަރުކާރުން ސޮސައިޓީ ފޮރ ހެލްތު އެޑިޔުކޭޝަން ގެ ނަން ' ސޮސައިޓީ ފޯ ފުރަގަސްފަރާތު އަދި ރާއްޖެ ބައްޔަށް ބޭސްކުރުން' މިނަމަށް ބަދަލު ކުރާނަމެވެ. އަދި މިތަން ހިންގާނީ ޒައީމު ޓަބްސް ކައިވެނި ބައްލަވައިގަނެގެން އުޅުއްވާނަމަ ސީދާ ފަސްޓު ޒައީމަތެވެ. ޒައީމު ޓަބްސް ކައިވެނި ބައްލަވައިގެން ނޫޅުއްވާނަމަ ވަގުތީ ގޮތުން އެތަން ހިންގާނީ ޒައީމު ހިތްޕުޅާ ހަމަކުރައްވައިގެން އުޅުއްވާ ކަމަނާ ބިޓެއްގެ ފެންވަރުގައެވެ.
 |
ނަސްރުގެ ދުވަސް ނޮވެމްބަރ 4 އަކަށް ބަދަލުކޮށް ނޮވެމްބަރު 3 ޝަހީދުންގެ ދުވަސް 2 އަށް ބަދަލު ކުރުން
1988 ނޮވެމްބަރު 3 އަކީ މި ފަހުން އެންމެ ގިނަ ދިވެހިން ޝަހީދުވީ ދުވަހެވެ. އެދުވަހަކު ނަސްރެއް ލިބުނުކަން ދެނެހުރި ދިވެއްސެއް ނޫޅޭނެއެވެ. ނަސްރެއް ލިބުނިއްޔާ ލިބުނީ އޭގެ އަނެއް ދުވަހު އިންޑިޔާގެ ރަތްފަގުޑި ފައުޖު ރާއްޖެއަށް އިސްތިއުމާރީ ބާރެއްގޮތަށް އައިސް އަރައިގަތީމައެވެ. އެހެންވީމާ އަލިރަސްގެފާނު ޝަހީދުވީ ދުވަސް އެއީ ޝަހީދުންގެ ދުވަސް 1 ގެ ގޮތުގައި ބާއްވާފައި، މަތީގައި ވާގޮތަށް މި ދެދުވަސް ފާހަގަ ކުރާނީއެވެ. ދެން ފާހަގަ ކުރަނީޔޭ ކިޔާފަ ކޮންމެހެން މިލިޔަން މިލިޔަނުން ގިގުޑި އަޅައި އިސްރާފު ކުރާނީޔަކީ ނޫނެވެ. ރަނގަޅު ވަރެއްގެ ޖަލްސާއެއް ބާއްވާފަ ޒިކުރާ އާކޮށް އެކަމުން އިބުރަތް ހޯދާނީއެވެ.
އީދު ސަލާން ކުރުން
ސަލާން ކުރުމަކީ ޒައީމު ޓަބްސް ގެ ބަނޑު ފުޅަށް ވަޅިފުޅެއް ކުއްލި ދާނެ ފަދަ ފުރުސަތަށް ވެދާނެތީ، ގައުމީ ސަލާމަތަށްޓަކައި، ޒައީމު ޓަބްސާ ސަލާން ކުރުމުގެ ބަދަލުގައި ދުރުގައި ތިބެގެން ކިޔާނީ ޓާޓާއެވެ.
ހިޔުމަން ރައިޓްސް
ޒައީމު ޓަބްސްއަށް ތަސައްވުރު ކުރެވޭގޮތުގައި، އިންސާނުންގެ ހިއުމަން ރައިޓްސް ޗިޕު އިންނަނީ ވިހާފަ އެ ވަޅުލާ މަހުގައެވެ. ދިވެހިންނަށް އެ ރައިޓްސް ނުލިބެނީކީ ނޫނެވެ. އެ ރައިޓްވަނީ ބިމު އަޑީގައި ވަޅުލެވިފައެވެ. އެހެންވީމާ އެ ރައިޓްސް ލިބޭނީ ބިމު އަޑިޔަށް މީހާ މަރުވެގެން ދިޔައީމައެވެ. އެހެންނަމަވެސް، ގާނޫނީ ގޮތުން ޒައީމު ޓަބްސްގެ ސަރުކާރު އުފެދޭ ދުވަހުން ފެށިގެން ވިހޭ މަސް ވަޅުލުން މަނާކުރެވޭނެއެވެ. އެ މަސް ޖެހޭނީ މަންމަޔާ ބައްޕަ ފެނުކައްކައިގެން ނުވަތަ ރިހަ ކައްކައިގެން ކާލާށެވެ. އައުލާކަން ބޮޑުވާނީ ސަޝިމީ ހަދާލައިގެން ފެންބަތާއެކީ ކާލިއްޔާއެވެ. ކޮންމެއަކަސް މިހެން ކަންތައްކުރުމުން ޒައީމު ޓަބްސްގެ ގާނޫނީ ސަރުކާރު އުފެދޭ ދުވަހުން ފެށިގެން އުފަންވާ ދިވެހި ދަރީންގެ ހިޔުމަން ރައިޓްސް އަބަދުމެ ލިބިލިބި ހުންނާނެތެވެ.
ވެބްސައިޓް ބްލޮކް ކުރުން
ޒައީމު ޓަބްސްގެ ގާނޫނީ ގޮތުން ހޮވިފައިވާ ސަރުކާރަށް ފާޑުކިޔާ، ތެދަސް ދޮގަސް، އެ ޚަބަރެއްގެ ސަބަބުން ޒަމާނުއްސުރެ ރާއްޖޭގައި މި އޮންނަ ވަހުދަތު ނިގުޅިގެން ދާފަދަ ޚަބަރު ޖަހާ، ޒައީމުއަށް ފުރައްސާރަކޮށް މަލާމަތްކުރާ ހުރިހާ ވެބްސައިޓްތައް ތަނެއް ދޮރެއް ބަލާ ނުލާ ބުލޮކް ކުރެވޭނެއެވެ. މީގެ އިތުރުން ހުރިހާ އޮރިޔާން ސައިޓުތައްވެސް ބުލޮކު ކުރެވޭނެއެވެ. އެއީ ރޭގަނޑުދާ ހަތަރު ދަމު އެ ސައިޓުތައްބަލާފަ އަދި އެވަރުން ނުވެގެން ދުވާލު އޮފީސް ގަޑީގަވެސް މުވައްޒަފުން ހޭ ކަނޑާލާތީއެވެ. ދޭތެރެޔަކުން ބަލާލާނަމަ އެންމެ ރަނގަޅެވެ.
ގާނޫނު އަސާސީ އިސްލާހުކުރުމާއި، ރައްޔިތުންގެ މަޖުލީހާއި ޚާއްސަ މަޖުލިސް
މާގިނަ މަޖުލިސްތައް އޮތުމަކީ ބޭކާރު ޚަރަދުތައް އިތުރުވާ ކަމެކެވެ. އެހެންވީމާ، ރައްޔިތުންގެ މަޖުލީހާއި، ޚާއްސަ މަޖުލިސް އުވާލާއިފައި، އެތަނުން ކުރާ ކަންތައްތައް ކުރާނީ ޒައީމު ޓަބްސް ހޮވާ 6 މެންބަރުންގެ ކޮމިޓީއަކުންނެވެ. އަދި، މިސުރުގެ ގާނޫނީ އަސާސީ ގެ ސޮފްޓް ކޮޕީއެއް ހޯދާފައި، ކަޓް އެންޑް ޕޭސްޓް، ފައިންޑު އެން ރިޕްލޭސް، މި ދެ ފަންކްޝަން ބޭނުންކޮށްގެން ދެ އައިޓީ ގޮލަޔަކު ލައްވާ ދެތިން ދުވަހުން ގާނޫނު އަސާސީއެއް ހަދާލެވިދާނެއެވެ. ހަދާ ނިމިގެން ކޮންމެ ގޭބީސީއަކަށް ކޮޕީއެއް ޗާފުކޮށްފައި ބަހާނީއެވެ.
ބޮޑުތަރުތީބު ތަރުޖަމާކުރުން
ބޮޑު ތަރުތީބު އަރަބި ބަހަށް ތަރުޖަމާކޮށް، ކޮންމެ ގޭބީސީއަކަށް 2 ކޮޕީ ޒައީމު ޓަބްސް ހަދިޔާކުރާނެއެވެ. ވަކި މުއްދަތެއް ބުނާކަށް އަދި ނޭނގެއެވެ. ލަސްވެގެން 30 އަހަރު ދުވަހުގެ ތެރޭގައި މިކަން އެކަމަކު ކުރެވޭނެއެވެ.
ދީނީ އެއްބައިވަންތަކަމުގެ ސިޔާސަތުގެ ދަށުން ހިންދީ ފިލްމު ބެލުން މަނާކުރުން
ހިންދީ ފިލްމަކީ ބުދު ދީން ރާއްޖޭގައި ފަތުރަން ބާރު އަޅައިދޭ އިބްތިހާލީ ވަސީލަތެކެވެ. ވީމާ، ރާއްޖޭގައި މިއޮތް ދީނީ ވަހުދަތު ހަލާކުވެ، ގައުމު ވަތަވައްސި ވެދާނެތީ، ޒައީމު ޓަބްސްގެ ގާނޫނީ ގޮތުން ހޮވޭ ސަރުކާރުން ހިންދީ ފިލްމު އެތެރެ ކުރުމާއި، ވިއްކުމާއި، ކުއްޔަށް ދިނުމާއި، ޑައުންލޯޑުކުރުން އަދި ހިންދީ ލަވަޖެހުންވެސް މަނާކުރެވޭނެއެވެ.
ކަންތައްތަކާ 'ބެހޭ' މަޖުލިސްތައް އުވާލުން
އެއްވެސް މަޖުލީހަކުން އެއްވެސް ކަމަކާ ބެހިގެން ނުވާނެއެވެ. އަދި އެފަދަ މަޖުލިސްތައް ޒައީމު ޓަބްސްގެ ގާނޫނީ ގޮތުން ހޮވޭ ސަރުކާރުން އުވާލެވޭނެއެވެ.
ކެބިނެޓް އަދި މިނިސްޓްރީތައް އަދި މުސާރަޔާއި އެހެނިހެން އިނާޔަތްތައް
ޑީއެމްޕީގެ މެގަ ޕުރޮޖެކްޓް މެނިފެސްޓޯގައިވާ 2050 ތަސައްވުރަށް ހާސިލުވުމަށްޓަކައި ވަރަށް ގިނަ އަދަދަކަށް މިނިސްޓްރީތައް އުފެއްދޭނެއެވެ. އެކަމަކު ޚަރަދު ކުޑަ ކުރުމުގެ ގޮތުން މިނިސްޓަރެއްގެ މުސާރަޔަކީ މަހަކު 1850 ރުފިޔާއެވެ. އެލަވަންސަށް ކޮންމެ ތިންމަހަކުން އެއްމަހު 350 ރުފިޔާ ދެވޭނެއެވެ. މިގޮތުން އުފެއްދޭނެ ބައެއް މިނިސްޓްރީތަކުގެ ލިސްޓެއް ވަރަށް އަވަހަށް ގެނެސްދެވޭނެއެވެ.
6 އެޕްރީލް 2008
ސިވިލް ސާވިސަސް ކަމިޝަންއަކީ ގައުމީ ވަހުދަތާއި، ތަސައްވުރާއި، ސުލްހަ މަސަލަސްކަމާއި، އަމާންކަމާއި، ދިވެހި ބަހަށް އަދި ދިވެހި އަދަބިއްޔާތަށް ވަރަށް ގެއްލުން ލިބިދެނިވި އެއްޗަކަށްވެފައި، ގިނަ އަދަދެއްގެ ބަޔަކަށް އެއްވެސް ކަމަކާނުލާ ހާޓެޓޭކު ޖެހިދާނެ އެއްޗަކަށްވާތީ، ޒައީމު ޓަބްސްގެ ގާނޫނީ ގޮތުން އުފެދޭ ސަރުކާރެއްގައި ސިވިލް ސާވިސަސް ކަމިޝަނެއް އޮތަކަ ނުދޭނަމެވެ. އޭގެ ބަދަލުގައި ޒައީމީ ގަރާރަކުން ހަދާނީ އެހެން ބައްތިރީސް ކަމިޝަންތަކެވެ. އެކަމަކު އެއިން ކޮންމެ ކަމިޝަނަކީވެސް ސިވިލް ސާވިސް ކަމިޝަނެކޭ އެއްފެންވަރެއްގެ ކަމިޝަންތަކެވެ. މިގޮތަށް ހެދޭ ކަމިޝަންތަކުގައި ސަރުކާރު މުވައްޒަފުންގެ އިތުރުން، ގަސްގަހާގެހި، މަސްމަހާމެހި އަދި މާމެލާމެލިވެސް ހިމެނިގެން ދާނެއެވެ. ތިރީގައި އެވަނީ މިގޮތަށް އުފެއްދޭނެ 32 ކަމިޝަނުގެ ނަންތަކާއި، އެ ކަމިޝަނެއްގައި ހިމެނޭނެ ބައިތަކެވެ.
1. ޒައީމީ ކަމިޝަން : މީގައި ހިމެނޭނީ ޒައީމު ޓަބްސް ހިމަނަން ބޭނުންވާ ބަޔެއް، ޒައީމުންގެ ފެންވަރުގައެވެ. އުމުރުން 300 އަހަރު ވުމުގެ ކުރިން އެމީހުން ވަޒީފާއިން ވަތްކެއް ނުކުރެވޭނެއެވެ.
 |
2. ރިޔާސީ ކަމިޝަން : މީގައި ހިމެނޭނީ ގާނޫނީ ގޮތުން ހޮވޭ ސަރުކާރުގެ ރައީސުލް ޖުމްހޫރިއްޔާ އެކަންޏެވެ.
3. ނައިބު ރިޔާސީ ކަމިޝަން: މީގައި ހިމެނޭނީ ގާނޫނީ ގޮތުން ހޮވޭ ސަރުކާރުގެ ނައިބު ރައީސުންނެވެ.
4. މިނިސްޓަރުންގެ ކަމިޝަން: މީގައި ހިމެނޭނީ ހަމައެކަނި މިނިސްޓަރުންނެވެ.
5. މިނިސްޓަރުންގެ ނައިބުންގެ ކަމިޝަން: މީގައި ހިމެނޭނީ މިނިސްޓަރުންގެ ނައިބުންނެވެ.
6. ސުޓޭޓު މިނިސްޓަރުންގެ ކަމިޝަން: މީގައި ހިމެނޭނީ ސުޓޭޓު މިނިސްޓަރުންނެވެ.
7. ފެންވަރުގެ ކަމިޝަން: މީގައި ހިމެނޭނީ މިނިސްޓަރުންގެ ފެންވަރުގެ މީހުންކަމަށް ޒައީމީ ގަރާރަކުން ނިންމާފައިވާ، މިނިސްޓަރުންނާ އެއްވަރުގެ މުސާރަޔާއި އިނާޔަތް އޮންނަ، އެކަމަކު މިނިސްޓަރުންނަށްވުރެ ނުފޫޒާ، ބާރުގަދަ މީހުންނެވެ. މީގެ އިތުރުންވެސް އެއްވެސް ފެންވަރެއްގެ ވަޒީފާއެއްގައި މީހަކު އުޅެންޏާ، މިސާލަކަށް ޑެޕިއުޓީ މިނިސްޓަރުންގެ ފެންވަރުގައި ކޯޑިނޭޓަރަކަށް، މިނިސްޓަރުންގެ ފެންވަރުގައި ކޮންމެސް ޚިދުމަތެއްގެ ރައީސަކަށް، މިކަހަލުގެ އެންމެން ހިމެނޭނީ މި ކަމިޝަނުގައެވެ.
8. އެގުޒެކެޓިވް ކަމިޝަން: މީގައި ހިމެނޭނީ އެގުޒެކެޓިވު ޑިރެކުޓަރުންނޭ ކިޔާ މީހުންނާއި، ވަޒީފާ ނަމުގެ ކުރިޔަށް، ފަހަތަށް ނުވަތަ މެދުތެރެޔަށް ނަމަވެސް އެގުޒެކެޓިވް އަންނަ އެންމެނެވެ.
9. ޑިރެކްޓަރުންގެ ކަމިޝަން: މީގައި ހިމެނޭނީ ހަމަ އެކަނި ޑިރެކްޓަރުންނާއި އެ ފެންވަރުގެ މީހުންނެވެ.
10. ޑެޕިއުޓީ ޑިރެކްޓަރުންގެ ކަމިޝަން: މީގައި ހިމެނޭނީ ޑެޕިއުޓީ ޑިރެކްޓަރުންނާއި އެފެންވަރުގެ މީހުންނެވެ.
11. އެސިސްޓެންޓް ޑިރެކްޓަރުންގެ ކަމިޝަން: މީގައި ހިމެނޭނީ އެސިސްޓަންޓް ޑިރެކްޓަރުންނާއި އެފެންވަރުގެ މީހުންނެވެ.
12. ސެކެޓެރީންގެ ކަމިޝަން: މީގައި ހިމެނޭނީ ސެކެޓެރީންނާއި އެ ފެންވަރުގެ މީހުންނެވެ.
13. ކާތިބުންގެ ކަމިޝަން: މީގައި ހިމެނޭނީ ކާތިބުނާއި އެ ފެންވަރުގެ މީހުންނެވެ.
14. ފިޔޯނުންގެ ކަމިޝަން: މީގައި ހިމެނޭނީ ޕިޔޯނުންނާއި ޕިޔޯނުންގެ ފެވަރުގެ މީހުންނެވެ.
15. ބަންގާޅީންގެ ކަމިޝަން: މީގައި ހިމެނޭނީ ސަރުކާރުގަ އުޅޭ ބަންގާޅީންނާއި އެހެނިހެން ބޭރު މީހުންނެވެ. މީގެ ކަމިޝަނަރަކަށް ލާނީ ދިވެއްސަކާ އިނދެގެން އުޅޭ ބަންގާޅިއެކެވެ.
16. މަސައްކަތު މީހުންގެ ކަމިޝަން: މީގައި ހިމެނޭނީ ސަރުކާރުގަ އުޅޭ މަސައްކަތު މީހުންނާއި އެ ފެންވަރުގެ އެހެން މީހުންނެވެ.
17. މުދިމުންގެ ކަމިޝަން: މީގައި ހިމެނޭނީ ހުސް މުދިމުންނާއި އެ ފެންވަރުގެ މީހުންނެވެ.
18. އަތޮޅުވެރިންގެ ކަމިޝަން: މީގައި ހިމެނޭނީ ހުސް އަތޮޅުވެރިންނާއި އެ ފެންވަރުގެ އެންމެނެވެ.
19. އަތޮޅުވެރިންގެ ނައިބުންގެ ކަމިޝަން: މީގައި ހިމެނޭނީ އަތޮޅުވެރިންގެ ނައިބުންނާއި އެ ފެންވަރުގެ އެންމެނެވެ.
20. ބޮޑު ކަތީބުންގެ ކަމިޝަން: މީގައި ހިމެނޭނީ ބޮޑު ކަތީބުންނާއި އެ ފެންވަރުގެ އެންމެނެވެ.
|
21. ކަތީބުންގެ ކަމިޝަން: މީގައި ހިމެނޭނީ ކަތީބުންނާއި އެ ފެންވަރުގެ އެންމެނެވެ.
22. ކުޑަކަތީބުންގެ ކަމިޝަން: މީގައި ހިމެނޭނީ ކުޑަކަތީބުންނާއި އެ ފެންވަރުގެ އެންމެނެވެ.
23. ކަމިޝަނަރުންގެ ކަމިޝަން: މީގައި ހިމެނޭނީ ހުރިހާ ކަމިޝަނަރުން ނެވެ. އެމީހުންވެސް ސީދާ ކަމިޝަނެއްގެ ދަށުގައި އޮތުމުން ގައުމު ހިންގަން ފަސޭހަވެ، ޒަމާނުއްސުރެ ރާއްޖޭގައި މި އޮންނަ ސަމާހަތު އޮތުމަށް މަގު ފަހިވާނެއެވެ.
24. އޮފިސަރުންގެ ކަމިޝަން: މީގައި ހިމެނޭނީ ހުރިހާ އޮފިސަރުންނެވެ. ފުލުހުންނާއި، ސިފައިންނާއި ސެކިއުރިޓީ އޮފިސަރުންނެވެ. މިގޮތުން ސަރުކާރުގެ ތަންތަން ގާޑު ކުރަން ހޭލާ ތިބޭ އޮފިސަރުންވެސް މި ކަމިޝަނުގައި ހިމެނޭނެއެވެ. އެއީ ބޭރު މީހަކު ކަމަށް ވާނަމަ، މިސާލަކަށް ޝާހުލް ޔޫސުފުލް ޝަފީގު ކިޔާ މީހަކަށް ވާނަމަ، މި ކަމިޝަނުގެ އިތުރުން ބަންގާޅިންގެ ކަމިޝަނުންވެސް އޭނަޔާ ބެހޭ ކަންކަން ކުރުމުގެ ފުރިހަމަ އިޚުތިޔާރާއި ބާރު އޮންނާނެއެވެ. އެކަމަކު، މުސްކުޅިކޮށް ވަޒީފާއިން ވަކި ކުރެވޭނީ ދެ ކޮމިޝަނުގެ ހުއްދަޔާއެކު، ޒައީމު ޓަބްސްއަށް ލިޔުމަކުން އެނގުމަށްފަހު، ރައްޔިތުންގެ މަޖުލީހުގެ އަގުލަބިއްޔަތު ލިބުމަށް ފަހު ޕޮލިސް ކަމިޝަނަރުގެ ހުއްދައާ އެކުއެވެ.
25. ފުލުހުންގެ ކަމިޝަން: މީގައި ހިމެނޭނީ ފުލުހުންނާއި އެ ފެންވަރުގައި ގޭންގު ހަދައިގެން އުޅޭ އެންމެންނެވެ.
26. ސިފައިންގެ ކަމިޝަން: މީގައި ހިމެނޭނީ ސިފައިންނެވެ. މީގެތެރެޔަކު ކޯސްޓްގާޑެއް ނުހިމެނޭނެއެވެ. އެއީ އަދި މުޅިން އެހެން ބަޔެކެވެ.
27. ކޯސްޓްގާޑް ކަމިޝަން: މީގައި ހިމެނޭނީ ކޯސްޓްގާޑުންނާއި، އެ ފެންވަރުގައި ބޭރުގެ ބޯޓުތައް ހިފާ މަސްވެރިންނެވެ.
28. އިންޓަނެޓް ކަމިޝަން: މީގައި ހިމެނޭނީ ސަރުކާރުގެ އިންޓަނެޓު ދާއިރާގައި މަސައްކަތް ކުރަ އެންމެންނެވެ.
29. ޓެލެފޯން ކަމިޝަން: މީގައި ހިމެނޭނީ ސަރުކާރުގެ އޮފީސްތަކުގައި ޓެލެފޯން އޮޕަރޭޓަރުންނަށް، ނުވަތަ ރިސެޕްޝަންތަކުގައި ފޯނަށް ޖަވާބުދޭ އެންމެންނެވެ. އެކަމަކު އެމީހުން މި ކަމިޝަނުގައި ހިމެނޭނީ ކާތިބުންގެ ފެންވަރުގައެވެ.
30. ގެހި، މެހި، ވެލި ކަމިޝަން: މުނިސިޕަލްޓީގެ މުވައްޒަފުންގެ އިތުރުން، ސަރުކާރުގެ ބާރު ފޯރާ، ހުރިހާ ގަސްގަހާގެހި، މަސްމަހާމެހި، މާމެލާމެލި އަދި ފަތްޕެލާވެލީގެ ބޭސްތައްވެސް މި ކަމިޝަނުގައި ހިމެނޭނެއެވެ.
31. ޕެންޝަން ކަމިޝަން: 65 އަހަރުން މަތީގެ ހުރިހާ ސަރުކާރު މުވައްޒަފުން ބަދަލުވާނީ މި ކަމިޝަނަށެވެ. އޭރުން އެ އެހެންމެންގެ ނަންތައް އެއް ލިސްޓަކަށް ލެވޭނެއެވެ. އެމީހުން މަރުވަންދެން ތިބޭނީ ހަމަ ކުރިން އުޅުނު ވަޒީފާ ތަކުގައެވެ. ގައުމީ ސަމާހަތަކަށް އޭރުން މުސްކުޅިންނާހެދި އެއްވެސް ނާޒުކުކަމެއް ނާންނާނެއެވެ. މީގެ ތެރެއިން ލޯބޯ ކޮށިވެ، ހަނދާން ބަލިވާ މީހުންނަށް ބޭސް ފަރުވާކުރާނީވެސް މި ކަމިޝަނުގެ ހިލޭ އެހީގެ ދަށުން ޔޫއެންޑީޕީން ލާރި ހޯދައިގެންނެވެ.
32. ބައިނަލް އަގުވާމީ ކަމިޝަން: މި ކަމިޝަނުގައި އުޅޭނީ ބައިނަލް އަގުވާމީ ކަންކަމުގައި އުޅޭ ދިވެހިންނާއި، ދިވެހިން ވަޒީފާދީފައި ތިބޭ ބޭރު މީހުންނެވެ. މީގެ އިތުރުން ސަރުކާރުގައި އުޅޭ ހުރިހާ ދޮން މީހުންނާ، އެފުރިކާ ގައުމުތަކުގެ މީހުންވެސް އަންނާނީ މި ކަމިޝަނުގެ ދަށަށެވެ.
ޒައީމު ޓަބްސް ދެކެފުޅު ވަޑައިފުޅު ގަންނަފުޅުވާ ގޮތްޕުޅުގައި، މިވަރުން އެއްވެސް ހުރަހެއް، އުނދަގުލަކާނުލާ، އެއްވެސް ސަރުކާރުގެ މުވައްޒަފަކަށް ހާޓެޓޭކު ނުޖެހޭ ގޮތަށް، ވަރަށް އިގުތިސޯދީކޮށް ގާނޫނީ ސަރުކާރު އިބުތިހާލުވެރިކަމާއެކު ހިންގާލެވޭނެއެވެ.
ނޯޓް: ފުރަތަމަ ފިޔަވަހީގައި ބައްތިރީސް ކަމިޝަން ހެދި ކަމުގައިވިޔަސް ރައްޔިތުންގެ ޝުއޫރުތަކާ އެއްގޮތަށް އިތުރު ކަމިޝަންތައް ހައްދާ، އުވާލުމުގެ ބާރު ޒައީމް ޓަބްސްގެ ގާނޫނީ ގޮތުން ހޮވޭ ސަރުކާރަށް އަބަދުވެސް އޮންނާނެއެވެ. މަޖުލީހުގެ ތަޅަމުން މި ފަދަ ބިލެއް ހުށަހަޅާތަނުން ބޭރުވެއްޖެއްޔާ، ކޮންމެސް އެހެން ގޮތަކަށް ބައިބައިކޮށްލައިގެން ކަމިޝަންތައް ހަދާނީއެވެ.
ނޯޓު: މި މެނިފެސްޓޯއަށް އަދިވެސް ބައިބައި އިތުރުކުރެވޭނެއެވެ. އެއީ ޒައީމު ޓަބްސްގެ އުތުރާއި ދެކުރު އަރުމާޒުތަކަށްފަހު، ރައްޔިތުންގެ އިހުސާސްތަކަށް ބަލާފައި އިތުރުކުރެވޭނެ ބައިބައެވެ.
